جمعتنى الصدفة بالأمس بكنز من كنوز المغاوير شاعر يقول الشعر على السجية غير متكلف يترجم ما بدواخله فتصير كلمات رنانة تطرب سامعها ..تحس أنت تستمع إليه بالصدق يتدفق وتهزك المعانى ... ذلك هو ( عباس حسين قسم السيد محمد مصطفى) ومن أجل التعريف بالأدب المغوارى وصانعى الثقافة فى بلدى سأواصل نشر إبداعات الأخ عباس بعد ذلك جمعها فى كتيب يشمل كل إنتاجه الشعرى من أجل :
وللأوطان فى دم كل حر ...يد سلفت ودين مستحق
...ونستعرض هنا قصيدته (أولاد مغوار )
كان الغار
بداية السكة فى المشوار
وكان زولاً ساقتو الأقدار
وكان فارساً سخى ومغوار
صاهر جدنا ( الأصفر)1 وأنجب سلة الأخيار
ثلاثة رجال
كانو مكوك كانو ملوك
كانو منار
يعدلو الميل محل ما مال
يكيدو عدونا يملو غبار
(حامد العقيل) 2 وجدى (الحاج)3
و(وداعة الأخيار)4
كانو الرأس وختو الساس
جدار وجدار
وكان من بعدهم جيلاً
فى مسارن سار
ثلاثة نجوم تضوى الليل
وتسطع فى سمانا نهار
وعشان ما توضح الرؤية
ونكون فى الصورة وما نحتار
كان (طيفور)5
فارس الحوبة ما هازار
وكان الكلمة لما يقولا
تطلع تكوى زى النار
وما بخضع وما بركع
غير للواحد القهار
وكان الحكمة (ود ابخير)6
سليل الخير وسيف بتار
وكان جدى (قسم السيد)7
شموخ ووقار
وكان (ود حسنى فضل الله )8
وكان حافظ كتاب الله
وكان تلقاهو فى الخلوة
مع الحيران عيونو شرار
وكان (الكاردلب)9 كرار
ملازم (بله)10 دابى السار
وتشهد مدنى لا مكوار
وكت تتوارد الأخبار
وكان (الشاطر)11 الشاطر
بعرف الصرفة والطرفة
مع الأنجم سلكلو مدار
وكان الحُجة (ود الحاج)12
وكان فى دروبنا يضوى سراج
وكان بفكرو يحمى الدار
وكان (النقر)13 عنوان
ومعروف فى كل مكان
وما أظن تنجبو الأزمان
وسابق جيلو بى مقدار
وكان (لود نعيم)14 تاريخ
يناهز قامة المريخ
ووافر كيلو ما قتار
وكان (عكاشة)15 ودطيفور
ضاوى جبينو يسطع نور
وحافظ لى حقوق الجار
وكان (البشرى ود مبيوع)16
عالى جبينو فوق مرفوع
وثابت عزمو مو مفزوع
وما بوفيهو فى مسدار
وكان يا أهلنا (ود عتار)17
باين خيرو فاض أنهار
وكان ما سنة المختار
يكون فى قبرو لينا مزار
وكان (ود نايل)18 اَجنيات
كان البستر الهفوات
ملازم السبحة والصلوات
ورافع راية الأنصار
و(حاج الصافى)19 يا ما كان
أساس النهضة والعمران
وكان لى أهلو إبناً بار
وغيرو كتير
نفير ونفير
وخيار وخيار
وتبقى حقيقة للتاريخ وللتزكار
نحن الجود ونحن أسود
ونحن يمين ولاد مغوار
وللأوطان فى دم كل حر ...يد سلفت ودين مستحق
...ونستعرض هنا قصيدته (أولاد مغوار )
كان الغار
بداية السكة فى المشوار
وكان زولاً ساقتو الأقدار
وكان فارساً سخى ومغوار
صاهر جدنا ( الأصفر)1 وأنجب سلة الأخيار
ثلاثة رجال
كانو مكوك كانو ملوك
كانو منار
يعدلو الميل محل ما مال
يكيدو عدونا يملو غبار
(حامد العقيل) 2 وجدى (الحاج)3
و(وداعة الأخيار)4
كانو الرأس وختو الساس
جدار وجدار
وكان من بعدهم جيلاً
فى مسارن سار
ثلاثة نجوم تضوى الليل
وتسطع فى سمانا نهار
وعشان ما توضح الرؤية
ونكون فى الصورة وما نحتار
كان (طيفور)5
فارس الحوبة ما هازار
وكان الكلمة لما يقولا
تطلع تكوى زى النار
وما بخضع وما بركع
غير للواحد القهار
وكان الحكمة (ود ابخير)6
سليل الخير وسيف بتار
وكان جدى (قسم السيد)7
شموخ ووقار
وكان (ود حسنى فضل الله )8
وكان حافظ كتاب الله
وكان تلقاهو فى الخلوة
مع الحيران عيونو شرار
وكان (الكاردلب)9 كرار
ملازم (بله)10 دابى السار
وتشهد مدنى لا مكوار
وكت تتوارد الأخبار
وكان (الشاطر)11 الشاطر
بعرف الصرفة والطرفة
مع الأنجم سلكلو مدار
وكان الحُجة (ود الحاج)12
وكان فى دروبنا يضوى سراج
وكان بفكرو يحمى الدار
وكان (النقر)13 عنوان
ومعروف فى كل مكان
وما أظن تنجبو الأزمان
وسابق جيلو بى مقدار
وكان (لود نعيم)14 تاريخ
يناهز قامة المريخ
ووافر كيلو ما قتار
وكان (عكاشة)15 ودطيفور
ضاوى جبينو يسطع نور
وحافظ لى حقوق الجار
وكان (البشرى ود مبيوع)16
عالى جبينو فوق مرفوع
وثابت عزمو مو مفزوع
وما بوفيهو فى مسدار
وكان يا أهلنا (ود عتار)17
باين خيرو فاض أنهار
وكان ما سنة المختار
يكون فى قبرو لينا مزار
وكان (ود نايل)18 اَجنيات
كان البستر الهفوات
ملازم السبحة والصلوات
ورافع راية الأنصار
و(حاج الصافى)19 يا ما كان
أساس النهضة والعمران
وكان لى أهلو إبناً بار
وغيرو كتير
نفير ونفير
وخيار وخيار
وتبقى حقيقة للتاريخ وللتزكار
نحن الجود ونحن أسود
ونحن يمين ولاد مغوار
الهامش
(1) المك الأصفر جد الصفر
(2)جد العقاقلة بالمغاوير
(3)جد الحاجاب
(4) جد الوديعاب إسمه أحمد وهو أصغر أولاد محمد المغوار
(5) طيفور محمد عباس
(6)هجا أبو خير
(7) قسم السيد محمد مصطفى جد الشاعر
(8)كان شيخ الخلوة
(9)يوسف الفكى بشير
(10) بله عبد القادر الشهير بـ ( بله ود قعيو )
(11) محمد العوض الشاطر كان عالماً فى الفلك
(12) شيخ البلد عبد الرحمن الحاج عثمان العوض
(13) محمد عمر الأمين كشه
(14) محمد احمد نعيم والد البشرى وقسم السيد
(15) عكاشه طيفور محمد عباس
(16) البشرى عبدالله مبيوع
(17) والد عبد الجليل وعبد العزيز عتار
(18)عبد الله نايل زعيم الأنصار بالمغاوير
(19) الصافى الجعلى والد عبد الفتاح وعبد الوهاب
ليست هناك تعليقات:
إرسال تعليق